Тэрытарыяльны цэнтр сацыяльнага абслугоўвання насельніцтва Уздзенскага раёна

Бяспека пачынаецца з кожнага з нас!

У зоне асаблівай увагі па абследаванні супрацьпажарнага стану жылля - сацыяльна-ўразлівыя катэгорыі насельніцтва.

Падчас візітаў бяспекі спецыялісты:

• правяраюць умовы пражывання;
• аказваюць кансультатыўную дапамогу;
• звяртаюць увагу на простыя, але жыццёва важныя правілы, якія дапамагаюць зберагчы сябе, сваіх блізкіх і сваё жыллё ад надзвычайных сітуацый.

Ратавальнікі нагадваюць: 

• праверце на працаздольнасць аўтаномныя пажарныя апавяшчальнікі, а ў выпадку іх адсутнасці - усталюйце ў жылых памяшканнях домаўладання.
• звярніце ўвагу на спраўнасць ацяпляльнага абсталявання і электрычнай праводкі. Не ўключайце ў сетку некалькі прыбораў адначасова, не выкарыстоўвайце прыборы з пашкоджанымі відэльцамі і шнурамі. Не пакідайце без нагляду ў сетцы зарадныя прылады.
• не дазваляйце дзецям гуляць з запалкамі і запальнічкамі, ні ў якім разе не пакідайце малых без нагляду.
• забараніце сабе і блізкім курыць у жыллi.

Калі Вы жадаеце атрымаць кансультацыю спецыялістаў ці падаць заяўку на абследаванне (бясплатнае!) супрацьпажарнага стану Вашага домаўладання, звяртайцеся:

- (01718) 69048 (пн.-пт.: 08.00-13.00, 14.00-17.00) – сектар нагляду і прафілактыкі Уздзенскага раённага аддзела па надзвычайных сітуацыях;

- 101 або 112 (дыспетчар цэнтра аператыўнага кіравання РАНС, кругласутачна).

ПАМЯТАЕЦЕ: Бяспека пачынаецца з адказных адносін кожнага з нас!