Матчына любоў - цэлы сусвет: ва Уздзенскім ТЦСАН прайшло пасяджэнне бацькоўскага клуба "Прамень надзеі"
16.10.2026Менавіта пад такім дэвізам у аддзяленні сацыяльнай рэабілітацыі, абілітацыі, інвалідаў ТЦСАН адбылося святочнае мерапрыемства, прымеркаванае да Тыдня бацькоўскай любові.
Са сцэны з вуснаў ужо дарослых дзяцей у адрас любімых бацькоў гучалі добрыя, шчырыя і цёплыя словы. Праграма мерапрыемства была насычанай і разнастайнай:
- кранальныя вершы і душэўныя песні
- танцавальныя нумары
- інтэрактыўная гульнявая праграма.
Асаблівую атмасферу свята дапамаглі стварыць валанцёры аддзялення - навучэнцы Літвянскай базавай школы, пацешыўшы прысутных сваімі творчымі нумарамі і падарункамі, зробленымі сваімі рукамі.
Мерапрыемства прайшло на адным дыханні, падарыўшы ўсім удзельнікам вялізны зарад станоўчых эмоцый.
