Мама - пяшчота, любоў і цяпло
16.10.2026Спецыялісты ТЦСАН на базе Дома дзіцячай творчасці правялі кранальнае святочнае мерапрыемства, прысвечанае Дню маці. Галоўнымі гасцямі свята сталі шматдзетныя мамы, а таксама мамы, якія выхоўваюць асаблівых дзяцей — жанчыны, чыя штодзённая праца напоўнена бязмежнай любоўю, цярпеннем і самааддачай.
Арганізатары пастараліся падарыць запрошаным мамам дзень, свабодны ад паўсядзённых клопатаў, напоўніўшы яго святочнай атмасферай, карыснымі ведамі і прыемнымі сюрпрызамі.
З прывітальным словам і найлепшымі пажаданнямі да ўдзельніц мерапрыемства звярнуліся начальнік упраўлення па працы, занятасці і сацыяльнай абароне Дзішук Вольга Мікалаеўна і дырэктар ТЦСАН Жук Наталля Аляксандраўна.
Спецыяльным госцем мерапрыемства стала ўрач-гінеколаг раённай бальніцы Зубарава Кацярына. У фармаце давернай гутаркі яна падзялілася з мамамі важнымі сакрэтамі захавання жаночага здароўя, энергіі і выдатнага самаадчування ва ўмовах пастаяннай шматзадачнасці.
Кіраўнік гуртка Плахава Лілія правяла для удзельніц займальны майстар-клас па нейрогімнастыцы. Простыя і эфектыўныя практыкаванні на развіццё міжпаўшарных сувязяў дапамаглі мамам расслабіцца, зняць стрэс і атрымаць зарад бадзёрасці.
Упрыгожылі святочную сустрэчу творчыя нумары выхаванцаў ДЦРР "Вясёлка", дзіцячага сада №3 і раённай школы мастацтваў. У фінале мерапрыемства ўсім мамам уручылі прыемныя кампліменты ад раённай арганізацыі ГА"Беларускі саюз жанчын".
Прыемным завяршэннем сустрэчы стала душэўнае чаяванне, падчас якога мамы змаглі пагутарыць у нефармальнай абстаноўцы, падзяліцца вопытам і проста адпачыць.
https://tcsonuzda.by/be/novosti/item/7390-mama-nezhnost-lyubov-i-teplo.html#sigProId316508078b