Тэрытарыяльны цэнтр сацыяльнага абслугоўвання насельніцтва Уздзенскага раёна

24 верасня ў Рэспубліцы Беларусь пройдзе Адзіны дзень бяспекі

Кожны работнік павінен дакладна разумець, што, знаходзячыся на працоўным месцы (у офісе), трэба строга выконваць правілы пажарнай бяспекі.

Запомніце некалькі рэкамендацый:

• варта трымаць у чысціні і парадку сваё працоўнае месца;
• не загрувашчвайце праходы і выхады рознымі прадметамі і абсталяваннем;
• курыце толькі ў спецыяльна адведзеных месцах;
• не перагружайце сетку адначасовым уключэннем электрапрыбораў;
• выкарыстоўвайце бытавыя чайнікі, мікрахвалевыя печы, Тостэры і воданагравальнікі толькі ў спецыяльна адведзеных памяшканнях на вогнеўстойлівых падстаўках;
• не выкарыстоўвайце падаўжальнікі для ўключэння электраабагравальнікаў, кандыцыянераў, электрапліт, сервераў;
• не разводзьце ў памяшканнях адкрыты агонь;
• не захоўвайце ў памяшканні лёгкаўзгаральныя вадкасці;
• вывучыце таблічкі з нумарамі тэлефонаў экстраных службаў, у тым ліку тэлефон МНС, а таксама gрозвішчы адказных за супрацьпажарную бяспеку;
• вывучыце план эвакуацыі пры пажары;
• вывучыце інструкцыю па ўжыванні першасных сродкаў пажаратушэння;
• пасля заканчэння працоўнага дня выключайце з сеткі электрапрыборы.

Калі вы пачулі гук пажарнай сігналізацыі на прадпрыемстве або ў арганізацыі:

• не панікуйце;
• пакіньце памяшканне па эвакуацыйных знаках;
• патэлефануйце па тэлефоне 112;
• рухайцеся ў процілеглы бок ад дыму, прыгнуўшыся да падлогі, прыкрыўшы органы дыхання.

Калі пачаўся пажар на працоўным месцы:

• не панікуйце, патэлефануйце па тэлефоне 112;
• адключыце электрапрыборы;
• апавясціце аб пажары калег;
• па магчымасці скарыстайцеся вогнетушыцелем;
• пакіньце памяшканне.