Тэрытарыяльны цэнтр сацыяльнага абслугоўвання насельніцтва Уздзенскага раёна

Сімвал бязмежнай любові і сілы!

Сёння асаблівы дзень! Напярэдадні свята 8 Сакавіка ў нашай краіне ўшаноўваюць тых, чыё сэрца не ведае межаў. 20 лютага 2026 года Прэзідэнт падпісаў Указ № 65 аб узнагароджанні 203 беларусак ордэнам Маці. Гэтай ганаровай узнагароды ўдастоена і жыхарка Уздзенскага раёна. 6 сакавіка 2026 года старшыня Мінскага абласнога выканаўчага камітэта А.I. Кушнарэнка ў Палацы Рэспублікі ва ўрачыстай абстаноўцы ўручыў ордэн Маці Таццяне Аляксандраўне Крываль!

Гэта не проста дзяржаўная ўзнагарода. Гэта прызнанне штодзённага подзвігу жанчыны, якая падарыла жыццё і выхавала пецярых дзяцей.

- Быць мамай — гэта праца без выхадных, але з самай высокай узнагародай — дзіцячымі ўсмешкамі і поспехамі.

Сёлета, у Год беларускай жанчыны, такія сустрэчы працятыя асаблівым цяплом.

Віншуем Таццяну Аляксандраўну! Хай у вашым доме заўсёды гучыць смех, а дзеці будуць вашым галоўным гонарам. Жадаем моцнага здароўя, сямейнага дабрабыту і бясконцага шчасця ў вачах вашых дзяцей!