Тэрытарыяльны цэнтр сацыяльнага абслугоўвання насельніцтва Уздзенскага раёна

Са святам вясны, любові і надзеі!

Святочнае мерапрыемства ў рамках бацькоўскага клуба "Прамень надзеі", прымеркаванае да Міжнароднага жаночага дня 8 Сакавіка, прайшло ў аддзяленні сацыяльнай рэабілітацыі, абілітацыі інвалідаў ТЦСАН.

У глядзельнай зале, хаваючы хваляванне, размясціліся мамы. На сцэне - прыбраныя, са шчырымі ўсмешкамі, такія любімыя і ўжо зусім дарослыя іх дарагія дзеці. Вясновае свята - яшчэ адна нагода сказаць мамам аб важных для кожнага чалавека рэчах: пра каханне, пра падтрымку, пра падзякі за клопат і ласку.

Да віншаванняў ад дзяцей для любімых матуль далучыліся валанцёры аддзялення - навучэнцы Ліцвянскай базавай школы, парадаваўшы прысутных сваімі творчымі нумарамі і падарункамі, зробленымі сваімі рукамі.

Кожны нумар праграмы дарыў непаўторнае адчуванне радасці. Мерапрыемства прайшло на адным дыханні, пакінуўшы пасля сябе станоўчыя эмоцыі!