Тэрытарыяльны цэнтр сацыяльнага абслугоўвання насельніцтва Уздзенскага раёна

Свята вясны адзначылі грамадзяне пажылога ўзросту

Самыя прыгожыя песні, самыя цёплыя і добрыя пажаданні ў адрас чароўных жанчын гучалі ў гэты дзень са сцэны.

Свята вясны і жаноцкасці напоўніла гасцей мерапрыемства пачуццём радасці і натхнення. Мы пацікавіліся ў лэдзі "элегантнага" ўзросту: "Што для вас значыць Міжнародны жаночы дзень?".

Святлана Кручкова:
Гэта свята вясны і цяпла, прыгажосці і зачаравання! Гэта дзень, калі мужчыны ў чарговы раз выказваюць да нас, жанчын, сваю павагу і паказваюць, наколькі мы важныя і патрэбныя ў іх жыцці.

Ларыса Тачыла:
Гэта адно з самых важных святаў у годзе, таму што яно прысвечана нам, жанчынам. І лепшым падарункам у гэты вясновы дзень могуць быць толькі першыя вясновыя кветкі - цюльпаны!

Ніна Лятун:
Міжнародны жаночы дзень - адно з першых вясновых святаў, калі разам з прыродай расквітаем і мы, жанчыны! Гэта дзень падарункаў і прыемных сюрпрызаў, далікатных слоў, усмешак, сонца і цяпла! Мілыя, самыя неверагодныя і бясконца чароўныя прадстаўніцы прыгожага полу! З надыходзячым вас святам вясны!