Якія карысныя навыкі набываюць рабяты з інваліднасцю ва ўмовах кругласутачнага знаходжання ў Дыяканічным доме сацыяльнага служэння?
07.06.2024У Дыяканічным доме сацыяльнага служэння ў в. Тарасава раніца ў рабят з інваліднасцю пачынаецца з зарадкі. Яна дапамагае не толькі зарадзіцца станоўчымі эмоцыямі на ўвесь дзень, але і ўдасканальваць фізічныя якасці і ўмацоўваць здароўе.
Пасля зарадкі рабяты вяртаюцца ў пакоі і прыступаюць да ўборкі і выканання гігіенічных працэдур. Адна з найважнейшых задач сацыяльнай рэабілітацыі – прывіваць самастойнасць у самаабслугоўванні і культурна-гігіенічныя навыкі.
У адзін з дзён яны наведалі Мінскі дэльфінарый і заапарк. Скарыстаўшыся грамадскім транспартам у суправаджэнні валанцёраў, дзеці вывучылі маршрут руху, навучыліся карыстацца наземнымі відамі транспарту, быць уважлівымі і выконваць правілы бяспекі.
У заапарку і дэльфінарыі даведаліся шмат цікавага пра звычкі дзікіх жывёл і птушак, з задавальненнем прагуляліся па вуліцах горада і, задаволеныя, вярнуліся ў Тарасава.
