Тэрытарыяльны цэнтр сацыяльнага абслугоўвання насельніцтва Уздзенскага раёна

Вясновы калейдаскоп прыемных падзей

Удзельніцы сустрэчы зарадзіліся энергіяй і добрым настроем у трэнінгу «Унутраны свет жанчыны», які правяла псіхолаг цэнтра Таццяна Новікава.

Разам з нашымі супрацоўніцамі Аксанай Піцько і Наталляй Лапуста дакрануліся да прыгожага і паўдзельнічалі ў творчым майстар-класе – стварылі вясновыя і яркія кветкі – цюльпаны.

Мамы прэзентавалі свае сямейныя кулінарныя творы, якімі затым падзяліліся падчас святочнага чаявання.

Вядома, не абышлося без падарункаў. Удзельніцам святочнага мерапрыемства ўручаны падарункавыя сертыфікаты ад Уздзенскай раённай арганізацыі «Беларускі саюз жанчын» і падарункі для хатняй утульнасці і святочнага настрою ад мануфактуры «Свет свечак».

У адрас выдатных жанчын прагучала шмат добрых і прыгожых слоў, якія іх будуць саграваць доўгі час.