Тэрытарыяльны цэнтр сацыяльнага абслугоўвання насельніцтва Уздзенскага раёна

Круглы стол

У мерапрыемстве прынялі ўдзел прадстаўнікі УАЗ «Уздзенская цэнтральная раённая бальніца», ДУ «ТЦСАН Уздзенскага раёна», упраўлення па працы, занятасці і сацыяльнай абароне райвыканкама, упраўлення па адукацыі, спорце і турызме райвыканкама, ДУ «Фізкультурна-аздараўленчы цэнтр Уздзенскага раёна», ДУА «Уздзенскі раённы цэнтр карэкцыйна-развіваючага навучання і рэабілітацыі», ДУК «Уздзенскі раённы дом культуры», ДУК «Уздзенская цэнтральная раённая бібліятэка ім. П.Труса», раённай газеты «Чырвоная зорка».

Удзельнікі сустрэчы абмеркавалі механізм рэалізацыі індывідуальных праграм рэабілітацыі, абілітацыі інвалідаў, магчымыя праблемныя пытанні і шляхі іх вырашэння, намецілі алгарытм міжведамаснага ўзаемадзеяння па аказанні дапамогі грамадзянам з абмежаванымі магчымасцямі ў працэсе рэабілітацыйных мерапрыемстваў.

Спецыялісты аддзялення сацыяльнай рэабілітацыі, абілітацыі ТЦСАН сумесна са сваімі падапечнымі правялі для ўдзельнікаў круглага стала аглядную экскурсію па аддзяленні і азнаёмілі з асноўнымі напрамкамі дзейнасці.