Першае месца ў раённым аглядзе-конкурсе на лепшае навагодняе ўпрыгожванне - у нашага тэрытарыяльнага цэнтра!
26.01.2024Напярэдадні навагодніх святаў у нашым раёне штогод аб'яўляецца агляд-конкурс на лепшае навагодняе афармленне і ўпрыгожванне аб'ектаў і дамоў. І самым хвалюючым момантам для яго ўдзельнікаў з'яўляецца падвядзенне вынікаў.
На пасяджэнні Уздзенскага раённага выканаўчага камітэта адбылося ўзнагароджанне пераможцаў.
У намінацыі «Лепшае навагодняе афармленне арганізацый сацыяльнай сферы» першае месца прысудзілі тэрытарыяльнаму цэнтру сацыяльнага абслугоўвання насельніцтва Уздзенскага раёна.
Як адзначыў старшыня райвыканкама Дзмітрый Колас, гэта добрая традыцыя будзе прадоўжана, бо яна падахвочвае людзей да творчасці і робіць наш горад і раён прыгажэйшым, ярчэйшым і лепшым.
Мы віншуем калектыў ТЦСАН з заслужанай перамогай і выказваем словы падзякі кожнаму супрацоўніку, які ўнёс уклад у агульную справу!